Monday, July 31, 2006

Mai tanhaa aaya tha

Kuchh gum hua saa lagta hai mujhko,
Jaise kuchh chhoot gaya ho peechhe...
Kya ho gaya hai... kya ho gaya mujhsei
Kya wo mera saaya tha...
Ya mai yu tanhaa hi aaya tha...

Dhoondhta hai kyon kashish fir sei...
Kar raha fir subah ki talaash mai...
Kuchh kho gaya hai... kho gaya mujhsei...
Jisnei mujhei apnaaya tha...
Sapno mei jiske mai rehkar aaya tha...

Ek pal peechhe beeta nahi aise...
Ki jab kal ko maine sochaa nahi...
Khafaa ho gaya hai... khafaa hai mujhsei...
Jo pal maine paaya tha...
Ek pal ko maine zindagi banaaya tha....

Haan wo mera saaya tha....
Kho gaya... mai toh tanhaa hi aaya tha...

-Anubhav

No comments:

Post a Comment